Qazaqstandyq «Sary mysyq» fılminiń tusaýkeseri Venetsııada ótti
LIDO. QazAqparat - Keshe 77-shi Halyqaralyq Venetsııa kınofestıvaliniń «Kókjıekter» baǵdarlamasynyń aıasynda qazaqstandyq rejısser Ádilhan Erjanovtyń «Sary mysyq» atty jańa týyndysynyń tusaýy kesildi, dep habarlaıdy QazAqparat.
«Qazaqfılm» kınostýdııasynyń málimetinshe, kartınanyń tusaýkeserine fılmniń rejısseri, sondaı-aq prodıýserler Olga Hlaşeva, Serik Ábishev, Gııom de Sıel men Ásel Sádýaqasova jáne akterler Sanjar Mádı, Azamat Nyǵmanov pen Kamıla Nuǵmanova qatysqan.
Aıta keteıik, buǵan deıin qazaqstandyq kınogerler delegatsııasy 77-shi Halyqaralyq Venetsııa kınofestıvaline qatysý úshin kári qurlyqqa aman-esen jetken edi.
Shara barysynda «Sary mysyq», «Muqaǵalı» jáne «Obýchenıe Ademokı» jobalary dıstrıbıýtorlarǵa tanystyrylyp, kelissóz júrgiziledi.
