Qazaqstandyq sarapshylar Prezıdent Joldaýyn talqylady
1 qyrkúıekte Memleket basshysy Qasym-Jomart Toqaev Qazaqstan halqyna Joldaýyn jarııalaǵan edi.
«Qazaqstan qoǵamdyq damý ınstıtýty» KeAQ Oljas Beısenbaev qazirgideı kúrdeli geosaıası jaǵdaıda memlekettiń ishki saıası reformalarynyń ornyqtylyǵy, jalǵasty bolýy óte mańyzdy ekenin atap ótti.
«Sondyqtan qazirgi Prezıdent Joldaýynda jańa saıası praktıka, jańa saıası dástúr, ıaǵnı jarııalylyq prıntsıpine úlken kóńil bólinip otyr. Bizdiń Qazaqstan qoǵamdyq damý ınstıtýtynyń sarapshylary jaz aılarynda biraz eksperttik zertteýler men saýalnamalar júrgizip, qazirgi qoǵamda áleýmettik-ekonomıkalyq problemalardyń alǵa shyqqany aıtylǵan edi. Mine, Prezıdent Joldaýynda birinshi blokta áleýmettik-ekonomıkalyq máselelerge eń birinshi kóńil aýdarylǵanyn kórip otyrmyz. Árıne, qazirgi ýaqytta qoǵamda qyzý talqylanyp otyrǵany – Prezıdent saılaýy, Parlament jáne máslıhat saılaýlary», - dedi O. Beısenbaev.
Sarapshy bilim salasyn memlekettiń uzaqmerzimdi damýyndaǵy eń perspektıvaly baǵyttarynyń biri dep atap ótti. Joldaýda eń aldymen mektepke deıingi mekemelerdegi tárbıeshilerdi attestatsııalaý týraly erekshe aıtyldy.
«Byltyr, aldyńǵy jyldary mınıstrlik mektepke deıingi mekemelerdi teksergende ShQO, Almaty oblystarynda balabaqshalardyń 70-80 paıyzyna deıin tekserýden ótpeı qalǵan bolatyn. ıAǵnı, ondaǵy balalardyń qarapaıym daǵdylardy úırenýi, mekemedegi oqytý-tárıbe baǵdarlamasynyń jáne jalpy balabaqshanyń tehnıkalyq múmkindikteri jaǵynan úlken synǵa ushyraǵan bolatyn. Sondyqtan, Memleket basshysy memlekettik-jekemenshik áriptestik, jekemenshik balabaqshalardyń jumysyn eskere otyryp, eń aldymen sol jerdegi tárıbeshilerdiń deńgeıi men jalaqy máselesin sheshýdi tapsyrdy. Odan keıin «Jaıly mektep» jobasy, JOO kredıttik oqytý, granttardy kóbeıtý, ýnıversıtter janynan ǵylymı ortalyqtar ashý, medıtsınalyq ýnıversıtetter janynan medıtsınalyq ortalyq ashý, ıaǵnı bilim men ǵylymdy ushtastyrý týraly aıtty. Qarap otyrsaq, mektepke deıingi mekemeden maman bolyp qalyptasýǵa deıingi barlyq kezeńdi qamtydy», - dedi ol.
QR Prezıdenti janyndaǵy «Qazaqstan strategııalyq zertteýler ınstıtýtynyń» jetekshi ǵylymı qyzmetkeri Muhıt Asanbaevtyń aıtýynsha, Qazaqstan saıası naýqannyń mańyzdy bir kezeńine ótti.
«Alda eki saılaý kútip tur, oǵan qoǵamnyń pikiri de ártúrli. Jalpy Joldaýdaǵy máselerdiń geosaıası jaǵdaımen qatar shyǵýy jaǵdaıdy qıyndatyp otyr. Salystyrmaly túrde aıtqanda Qazaqstannyń munaı tasymaldaýyndaǵy Reseıge táýeldigi bar, sondyqtan memlekettiń ishki saıasatynda da osyndaı jaǵdaılar oryn alýy ábden múmkin. Degenmen jalpy sońǵy 30 jylda Prezıdent ınstıtýty ornyqty dep oılaımyn. Biraq baǵyt durys, osy baǵytty jalǵastyra berý kerek. Árıne, qoǵamda pikirtalas bolady. Keıde depýtattar jańa bastamalar kóterip otyrady, onyń qanshalyqty oryndy bolýy bólek másele. Qalaı bolsa da munyń báriniń ashyq pikirtalasqa shyǵýynyń ózi – saıası mádenıettiń jańa bir formatta ózin-ózi kórsete bilýiniń aıǵaǵy», - dedi Muhıt Asanbaev.
Sonymen birge, AMANAT partııasy qoǵamdyq saıasat ınstıtýtynyń bas sarapshysy Erlan Ahmedı Memleket basshysy usynǵan bir rettik prezıdenttikti tutas prezıdent ınstıtýtyn qaıta jańǵyrtý dep sanaýǵa bolatynyn aıtty.
«Halyqaralyq tájirıbege kóz júgirtsek, bir rettik prezıdenttik júıesi jumys isteıtin elder bar. Mysaly, Armenııada prezıdent jeti jylǵa, al Meksıkada alty jylǵa saılanady. Ońtústik Koreıada, Albanııada prezıdentter bes jylǵa saılanady, bul elderde bir rettik prezıdenttik júıe de bar. Prezıdent aıtqan jańa saıası mádenıetti qurý boıynsha jumys júrip jatyr dep sanaımyn. Árıne, ártúrli pikirler aıtylady. Qasym-Jomart Toqaev tájirıbeli jáne bilimdi adam retinde memlekettik qurylystyń, jańa saıası mádenıetti qalyptastyrýdyń kóptegen máselelerin baıqap otyr», - dedi Erlan Ahmedı.
