Qazaqstandyq samboshy Nurbolat Maılybaev Bishkekte ótken halyqaralyq týrnırde birinshi oryn aldy
BІShKEK. Aqpannyń 15-i. QazAqparat /Evgenıı Novıkov/ - Qazaqstandyq samboshy Nurbolat Maılybaev Bishkekte ótken halyqaralyq týrnırde 68 kelige deıingi salmaqta altyn medaldi jeńip aldy.
Aqpannyń 14-i kúni Bishkekte ınternatsıonal-jaýynger Vıtalıı Gordeevti eske alýǵa jáne keńes áskeriniń Aýǵanstannan shyǵarylýynyń 21 jyldyǵyna arnalǵan sambodan 23-shi halyqaralyq týrnır aıaqtaldy.
Qazaqstan, Ózbekstan, Reseı jáne Qyrǵyzstan elderinen palýandar qatysqan baıraqty básekede N.Maılybaev óz salmaq sanatynda sporttyq sambodan jeńiske jetti.
Týrnır arnalyp otyrǵan Vıtalıı Gordeev Keńes Odaǵynyń kúshti samboshylarynyń biri jáne eldiń jastar quramasynyń múshesi bolǵan. Ol Aýǵanstanda jaýyngerlik boryshyn ótep júrip qazaǵa ushyraǵan.
