Qazaqstandyq samboshy Dınara Jumabaeva álem chempıonatynyń kúmis júldegeri atandy
ASTANA. QazAqparat - Bolgarııa astanasy Sofııa qalasynda sporttyq jáne áskerı sambodan ótip jatqan álem chempıonatynda qazaqstandyq palýan Dınara Jumabaeva kúmis júldeger atandy, dep habarlaıdy QazAqparat.
Halyqaralyq sambo federatsııasynyń resmı saıtynan alynǵan málimetke qaraǵanda, Dınara 64 kg salmaqta sátti óner kórsetip, tek fınalda Belarýs eliniń ókili Tatıana Matskoǵa ese jiberdi.
Aıta keteıik, álem chempıonatynyń alǵashqy kúninde Qazaqstan qorjynyna eshqandaı júlde túsken joq bolatyn. Al senbi kúni qazaqstandyqtar úshin áldeqaıda sátti boldy. Dınaradan basqa batysqazaqstandyq palýan, álemniń tórt dúrkin chempıony Erbolat Baıbatyrov 57 kg salmaqta sporttyq sambodan kúmis medalǵa qol jetkizdi. Oǵan qosa taǵy eki batysqazaqstandyq sportshy Qazbek Supyǵalıev pen Temirlan Ihsanǵalıev sáıkesinshe 62 jáne 82 kg salmaqta qola júldeni ıelendi.
