Qazaqstandyq samboshy A.Aslahanov júldesi úshin ótken halyqaralyq týrnırdiń jeńimpazy atandy
ASTANA. QazAqparat - Qazaqstandyq samboshy Beıimbet Qanjanov Máskeý qalasynda márege jetken Aslambek Aslahanovtyń júldesi úshin ótken HV halyqaralyq týrnırdiń jeńimpazy atandy.
Halyqaralyq sambo federatsııasynyń resmı saıtynan alynǵan málimetke qaraǵanda, Beıimbet 52 kg salmaqta top jardy.
Atalmysh jarystan keıin belgili saıasatker, Reseıdiń eńbek sińirgen sport sheberi, general, aldaǵy jyly 75 jasqa tolatyn A.Aslahanov týrnırdiń 15 jyl boıy joǵary deńgeıde ótip kelgendigin, endi óziniń qyzmetin ardagerler arasyndaǵy sambo kúresiniń damýyna arnaıtyndyǵyn málimdegen.
Aıta keteıik, Beıimbet Qanjanov - el namysyn abyroımen qorǵap júrgen sportshy, sambodan ótken jylǵy álem chempıony, 2014 jyly «Harlampıev memorıaly» halyqaralyq týrnırinde de top jardy.
