Qazaqstandyq saqtandyrýshylar eń qaýipti mamandyqtar reıtıngin jasady
ASTANA. QazAqparat - Qazaqstandyq saqtandyrýshylardyń mundaı zertteý júrgizýine Túrkııada kómir shahtasynda osydan az ýaqyt buryn 301 adamnyń ómirin qıǵan apat sebep boldy, dep jazady "Ekspress K" gazeti.
Kompetenz saqtandyrý kompanııasy sarapshylarynyń málimetterine qaraǵanda, Qazaqstandaǵy eń qaýipti mamandyq kenshilerdiń jumysymen baılanysty bolyp otyr. Ol ótken jyly tirkelgen qaıǵyly oqıǵalardyń 49 paıyzyn qurady.
Ekinshi orynda qurylysshylar tur. Naqty alǵanda, joǵary bıiktikte jumys isteıtin betonshylar, dánekerleýshiler men sylap-maılaýshylar. 2013 jyly olardyń úlesine 10 paıyz saqtandyrý jaǵdaıy tıgen.
Atalǵan statıstıkanyń úshinshi satysynda munaı-gaz sektorynyń jumysshylary - 9 paıyz. Tórtinshi orynda - elektrshiler, elektromonterler jáne temir ustalary.
Statıstıkalyq agenttik málimetteri boıynsha, ótken jyly ónerkásip oryndarynda 301 qazaqstandyq mert bolǵan, 1997 adam jaraqat alǵan.
Saqtandyrýshylar ónerkásip oryndaryndaǵy qaıǵyly jaǵdaılar tómendegenin atap ótken, biraq kásibı dertter sany artyp keledi.
