Qazaqstandyq saqtandyrý kompanııasy «Gazprom» AQ-yna 14,5 mln. teńge tóledi
ALMATY. QazAqparat - Qazaqstandyq «Evrazııa» saqtandyrý kompanııasy «Gazprom» AQ 14,5 mln. kóleminde ótemaqy tóledi. Bul týraly kompanııanyń baspasóz qyzmetinen habarlady.
Oqys oqıǵa 13 naýryzda 2013 jyly Reseıdiń «ıAmal» jobasyna jatatyn Bovanenkovsk GP-2 gaz kenishinde oryn alǵan bolatyn. Jarylys saldarynan tsehtyń ǵımaraty, jylý jelileri, jabdyqtardyń biraz bóligine nuqsan kelgen. 8 adamdy kúıik shalyp, ıANAO aýrýhanasyna jatqyzylǵan edi. Mamandardyń aıtýynsha, apatty jaǵdaı Bovanenkovsk kenishindegi gaz óndirý jumystaryna kedergi keltirmeıdi. Gaz óndirýshi kompanııanyń birqatar múlikteri qazaqstandyq saqtandyrý kompanııasy arqyly saqtandyrylǵan bolatyn. Soǵan baılanysty kompanııa «Gazprom» AQ-yna 58 myń eýro (14,5 mln. teńge) kóleminde tólem tóledi.
