Qazaqstandyq sadaqshylar Batýmıdegi týrnırde 9 medal jeńip aldy
BATÝMI. QazAqparat - Batýmıde (Grýzııa) sadaq atýdan ótken halyqaralyq týrnırde Qazaqstan quramasy sátti óner kórsetti, dep habarlaıdy QazAqparat QR Ulttyq Olımpıada komıtetine silteme jasap.
Altyn medaldardy Býned Mırzamatov, Adel Jeksenbınova (blokty sadaqtan atý), Ilfat Abdýllın (klassıkalyq sadaq) jeńip aldy. Qazaqstan komandalyq jarystarda tuǵyrdyń birinshi satysyna úsh ret kóterildi (blokty sadaq (mıks), klassıkalyq sadaq (mıks jáne erler komandasy).
Klassıkalyq sadaqtan atýdan Sanjar Musaev ekinshi boldy. Sondaı-aq komandalar arasyndaǵy jarystarda Qazaqstan eki qola medalǵa ıe boldy: erler men áıelder komandalary arasynda.
Foto: olympic.kz
