Qazaqstandyq sadaqshylar álem kýbogyn sátti bastady
ASTANA. QazAqparat - Túrkııanyń Antalııa qalasynda keshe jalaýy jelbiregen sadaq atýdan álem kýbogynyń ekinshi kezeńin sportshylarymyz jeńispen bastady, dep habarlaıdy QazAqparat tilshisi.
Jarystyń alǵashqy kúni klassıkalyq sadaq atýdan komandalyq saıysta otandastarymyz fınalǵa joldama aldy.
Quramynda Denıs Gankın, Sanjar Mýsaev jáne Oıbek Saıdıev bar quramamyz álem kýbogynyń birinshi kezeńinde jeńiske jetken bolatyn. Endi mine, taǵy da fınalǵa joldama jeńip aldy.
Olar ekinshi kezeńniń irikteýinde aldymen Taıpeı jáne Frantsııa mergenderin qapy qaldyrdy. Keıin jartylaı fınalda Germanııa mergenderimen ótken asa tartysty saıysta qarsylastaryn taǵy da jeńdi. Endi fınalda qazaqstandyq mergender Italııa eliniń sportshylarymen synǵa túsetin bolady.
