Qazaqstandyq sadaq atýshylar Olımpıadaǵa lıtsenzııa jeńip aldy

NUR-SULTAN. QazAqparat - Qazaqstandyq sadaq atýshylar Nıderlandyda ótip jatqan álem chempıonatynda Tokıodaǵy Olımpıada oıyndaryna lıtsenzııa jeńip aldy (komandalyq saıys), dep xabarlaıdy QazAqparat.

QR Ulttyq Olımpıadalyq komıtetiniń málimetine sáıkes, Denıs Gankın, Sanjar Musaev, Ilfat Abdýlın 1/8 fınalda Rıo Olımpıadasynyń kúmis júldegerleri AQSh sadaqshylaryn 6:0 esebimen jeńdi.

Bul nátıje komandamyzǵa Tokıodaǵy Olımpıada oıyndaryna joldama alýǵa múmkindik berdi.

«Qazaqstan úshin bul lıtsenzııanyń mańyzdy bolyp tabylatyny, 2000 jylǵy Sıdneı Olımpıadasynan keıin, 20 jyldan soń, elimiz Olımpıadanyń komandalyq jarystaryna qatysady», - delingen QR UOK aqparatynda.