Qazaqstandyq rolık - 2018 jylǵy saıahat týraly vıdeolardyń úzdik ondyǵynda

ASTANA. QazAqparat - Qazaqstan týraly jarnamalyq rolık týrızm týraly jazatyn tanymal reseılik Tutu.ru saıtynyń tujyrymy boıynsha 2018 jylǵy úzdik beınejazbalardyń biri atandy, dep habarlaıdy QazAqparat tilshisi.

«Biz qaıda ushyp baramyz?» atty tanymal rolık Kazakh Tourism men QR Mádenıet jáne sport mınıstrligi Týrızm ındýstrııasy komıtetiniń byltyr qyrkúıektegi tapsyrysy boıynsha Euronews telearnasynda kórsetý úshin túsirilgen.

Ol qazaqstandyqtar arasynda tanymaldylyqqa ıe boldy, keıin shet elderge keńinen taraldy. Bul joly Tutu.ru reseılik saıtynyń tujyrymy boıynsha 2018 jylǵy saıahat týraly vıdeolardyń úzdik ondyǵyna kirdi.

«Týrıstik baǵyttaǵy jarnamalyq rolıkter - jeke vıdeojanr. Ádette olardyń bári birdeı bolyp keledi: tabıǵattyń sulý beınesi, kopterden túsirilgen taspalar, tamaqtardy jaqynnan túsirý, kúlimsiregen qyzdar. Bul rolıktiń avtorlary qaı eldiń jarnamalanyp jatqanyn sońyna deıin aıtpaıdy. Siz «osy ásem sulýlyqtyń» qaıda ekenin tabýǵa umtylasyz. Sońynda bilgen kezde tańǵalasyz», - dep jazdy saıttyń bas redaktory Tımýr ıÝsýpov.