Qazaqstandyq robototehnıkter halyqaralyq chempıonattan júldeli oraldy
Nazarbaev Zııatkerlik mektepteriniń jas robototehnıkter komandasy belgili jattyqtyrýshy Nıkolaı Avdıýnınniń jetekshiligimen WRO chempıonatynda (World Robot Olympiad – Robototehnıkadan Búkilálemdik olımpıada) úshinshi oryn aldy.
NIS qurama komandasy «Aqyldy bilim» sektsııasynda matematıka men beıneleý óneri páninen sabaq beretin, álipbıdi úırenýge kómektesetin, kórý jáne estý qabileti nashar balalarmen jumys isteıtin bastaýysh synyp muǵalimi «Ziggurat» robotyn tanystyrdy.
«Jobanyń ıdeıasy Taldyqorǵan Zııatkerlik mektebinen Danııl Fılımonovke tıesili, onymen birge Almatydaǵy fızıka-matematıkalyq baǵyttaǵy Zııatkerlik mektep oqýshysy Lıýbov Dýdchenko jáne Taldyqorǵandaǵy NEXTROBOT ortalyǵynan Elına Pak jumys istedi. Al olarǵa robototehnıkadan Almaty oblysy qurama komandasynyń jattyqtyrýshysy Nıkolaı Avdıýnın jetekshilik etti. Fınalda bizdiń balalar álemniń 73 elinen kelgen 400-den astam komandamen kezdesti», - deıdi «Nazarbaev Zııatkerlik mektepteri» DBBU aqparattyq tehnologııalar ortalyǵy dırektorynyń orynbasary Azamat Bıdanov.
Vengrııadaǵy jetistik – Nıkolaı Avdıýnın oqýshylarynyń WRO-daǵy úshinshi jeńisi. Buǵan deıin Sochıden qola jáne Nıý-Delıden altyn medal alyp kelgen bolatyn.
«Qazir álem Tórtinshi ónerkásiptik revolıýtsııa dáýirine, tereń jáne jyldam ózgerister kezeńine qadam basty. Ol - ehnologııalyq, ekonomıkalyq jáne áleýmettik ózgerister. Jyl saıyn biz oqýshylarymyzdyń áleýetin damytý úshin jobalar jasaımyz, osylaısha aqparattyq óndiristi jetildirýge tyrysamyz, aqparattyq óndiris negizinde el ekonomıkasy jańa deńgeıge kóteriledi», – dep atap ótti Nıkolaı Avdıýnın.
Aıta ketsek, NIS-tiń taǵy úsh - Kókshetaý, Oral, elordadaǵy fızıka-matematıkalyq baǵyttaǵy Zııatkerlik mektepter komandasy Búkilálemdik olımpıadanyń úzdik ondyǵyna kirdi.
