Qazaqstandyq rıeltorlar 76 mlrd teńge kóleminde rekordtyq tabys tapty
ASTANA. QazAqparat - Qazaqstan rıeltorlary bıylǵy jyly turǵyn úı naryǵyndaǵy suranystyń kúrt artýyna baılanysty 76 mıllıard teńge kóleminde rekordtyq taza tabys tapty, dep habarlaıdy ranking.kz .
Aǵymdaǵy jyldyń alǵashqy 5 aıynda Qazaqstanda 90,2 myń páterler men jeke úılerdiń satyp alý jáne satý kelisimderi jasalǵan. Bul sońǵy 5 jyldyń qańtar-naýryz aılarynda jasalǵan kelisimderdiń eń joǵarǵy kórsetkishi. 2016 jyldyń qańtar-naýryz aılaryndaǵy deńgeımen salystyrǵanda, kelisim jasaýlar sany birden 27,5%-ǵa kóterildi.
Aǵymdaǵy jyldyń alǵashqy úsh aıyndaǵy kórsetkish boıynsha jyljymaıtyn múlik naryǵynda satyp alyp-satý isimen aınalysatyn uıymdar (salyq salýǵa deıin) 76 mıllıard teńge kóleminde tabys tapty.
Ótken jyldyń qańtar-naýryz aılarymen salystyrǵanda kiristiń jalpy kólemi 29,1 mıllıard teńgeni quraıdy, nemese bıylǵy jylmen salystyrǵanda 2,6 esege az.
Naryqtyń negizgi draıverleri shaǵyn sektorlar - salanyń shaǵyn kásiporyndarynyń taza kórsetkishi bıylǵy jyly iri jáne orta uıymdardaǵy 12,4 mıllıard teńgege qarsy 63,7 mıllıard teńgeni qurady. Bir jyl buryn bul kórsetkish basqasha boldy, iri rıeltorlyq uıymdar 28,8 mıllıard teńge tabys tapsa, shaǵyn uıymdardyń tabysy nebáry 256,1 mıllıon teńgeni qurady.
