Qazaqstandyq «Rıeltor» fılmi VIII halyqaralyq Dýbaı kınofestıvaline qatysýda
ASTANA. 8 jeltoqsan. QazAqparat - Qazaqstandyq rejısser Ádilhan Erjanovtyń «Rıeltor» atty kınofılmi 7 jeltoqsanda ashylǵan VIII halyqaralyq Dýbaı kınofestıvaline qatysýda,
dep habarlaıdy Sh. Aımanov atyndaǵy «Qazaqfılm» kınostýdııasynyń resmı saıty.
Atalmysh festıval Taıaý Shyǵys-Azııa-Afrıka aımaǵynda eń iri halyqaralyq kınobaıqaý bolyp eseptelinedi. Ol 2004 jyldan beri jyl saıyn uıymdastyrylyp keledi jáne aımaqtaǵy kınoındýstrııa maıtalmandarynyń halyqaralyq platformasy retinde qalyptasyp úlgerdi.
Bıyl Dýbaı festıvaline Tom Krýz, Saımon Pegg, Anıl Kapýr, Pola Paton syndy álemge tanymal Gollıvýd juldyzdary keledi dep kútilýde.
Eske sala keteıik, Dýbaı kınofestıvaline Á. Erjanovtyń «Baqytjamal» atty qysqametrajdy fılmi 2008 jyly qatysqan bolatyn.
Al onyń «Rıeltor» týyndysy bıyl Reseıde ótken «Kınoshok-2011 » jáne «Deboshırfılm - Chıstye grezy-XIV » kınobaıqaýlarynda qazylardyń arnaıy júldelerine ıe bolǵan. Sonymen qatar «Eýrazııa» kınofestıvaline de qatysty.
