Qazaqstandyq rejısserdiń fılmi Kann festıvalinde kórsetiledi
ASTANA. QazAqparat - Qazaqstandyq kınorejısser Sanjar Bekjanovtyń týyndysy 69-shy Kann festıvaliniń qysqa metrajdy fılmder baǵdarlamasyna qatysady.
Jas kınorejısser Sanjar Bekjanovtyń «Bir qadam alǵa» (Step Forward) fılmi 2016 jyldyń 11-22 mamyr kúnderi aralyǵynda Frantsııada ótetin 69-shy Kann festıvaline qatysý úshin irikteldi. Ol qysqa metrajdy fılm baǵdarlamasynda (Short Film Corner) kórsetiledi.
Kartınany jasaýshylardyń atap ótýinshe, bas keıipkerdiń aldynda jańashyldyqqa bastar qadam aldyndaǵy qorynysh pen áýesqoılyq, áldeneni bilýge degen qumarlyq arasynda tańdaý turady. Kartına óz kórermenimen mýzyka, qozǵalys, ym, túsiniksiz tuspaldardyń erekshe tilimen sóılesedi.
Fılmdi túsirý jumystary Los-Andjeleste (Kalıfornııa) ótti. Fılmniń prodıýseri - rejısser-stsenarııshi, Kalıfornııa Ýnıversıtetinde jazýshylar tobynyń múshesi Dáýren Qamshybaev.
69-shy Kann halyqaralyq festıvali 2016 jyldyń 11-22 mamyr kúnderi aralyǵynda Frantsııanyń Kanny qalasynda ótedi. 
