Qazaqstandyq rejısser Tımýr Bekmambetov Italııada «Ben Gýr» fılminiń túsirilimin bastady
ASTANA. QazAqparat - Qazaqstandyq tanymal kınorejısser jáne prodıýser Tımýr Bekmambetov «Ben-Gýr» tarıhı dramasynyń jańa nusqasynyń túsirilimine kiristi. Bul týraly Bazelevs kınokompanııasynyń baspasóz qyzmetinen habarlady, dep jazady TASS.
«Ben-Gýr» týyndysy Ýılıam Ýaılerdiń ańyzǵa aınalǵan fılmi sııaqty, Lıý Ýollestiń alǵash ret 1880 jyly jarııalanǵan «Ben-Gýr: Hrıstostyń oqıǵasy» romanynyń negizinde jasaldy. Onyń oqıǵasy Palestınada Isa Paıǵambar jáne Rım ámirligi kezinde órbıdi.
T.Bekmambetovtyń aıtýynsha, jańa shyǵarma onyń túpnusqasy - Ýollestiń romanyna óte jaqyn bolady. Ol senim men mindet, kek pen keshirim máselelerin qozǵaıdy.
Fılmdegi basty róldi brıtandyq akter Djek Hıýston somdaıdy, Isanyń rólin brazılııalyq Rodrıgo Santoro oınaıdy. Kartınadaǵy rólderdiń birin sondaı-aq tanymal amerıkandyq akter Morgan Frıman oryndaıdy.
«Ben-Gýrdyń» túsirilimderi Rımde, sondaı-aq Rım ımperııasynyń biregeı qurylystary - ımperator Adrıannyń vıllasy saqtalyp qalǵan Italııanyń ońtústigindegi Matera qalasynyń mańynda ótedi. Fılm ekranǵa 2016 jyly shyǵady dep josparlanyp otyr.
