Qazaqstandyq rejısser T.Bekmambetovtyń fılminde oınaǵan reseılik aktrısa dúnıeden ótti
ASTANA. QazAqparat - 90 jasqa qaraǵan shaǵynda Reseı Federatsııasynyń halyq ártisi Rımma Markova dúnıeden ótti, dep habarlaıdy TASS.
"Ol uzaq ýaqytqa sozylǵan syrqatynan keıin Botkın aýrýhanasynyń jansaqtaý bóliminde kóz jumdy", - dedi onyń qyzy Tatıana Markova.
Rımma Markova 1925 jyly 3 naýryzda dúnıege kelgen, túrli kınolarda 70 shaqty rólderdi somdaǵan. Onyń ishinde "Qulaqtan ketpes ún" ("Vechnyı zov"), "Týys" ("Rodnıa"), "Pokrov qaqpalary" ("Pokrovskıe vorota"), "Gardemarınder, alǵa" ("Gardemarıny, vpered") atty fılmder bar. Aktrısanyń sońǵy ret qatysqan kórkem fılmderdiń qatarynda tanymal qazaqstandyq rejısser Tımýr Bekmambetovtyń "Túngi barlaýshy" ("Nochnoı dozor") jáne "Kúndizgi barlaýshy" ("Dnevnoı dozor") dılogııalaryn ataýǵa bolady. Bul rólderi úshin R.Markova ekinshi rettegi eń úzdik aktrısa retinde "Altyn qyran" atalymyna ıe boldy. Rımma Markova RF-nyń halyq ártisi ataǵyn ıelengen, IV dárejeli «Otan aldyndaǵy qyzmeti úshin» ordenimen marapattalǵan.
