Qazaqstandyq rejısser Kenesary hannyń basy qaıda saqtalyp otyrǵanyn aıtady
ASTANA. QazAqparat - Qazaqstandyq derekti kıno rejısseri Qalıla Omarov Kenesary hannyń basy qaıda ekenin topshylaıdy. Ol bul qupııany óziniń ulymen birge túsiretin jańa kartınasynda aıtyp bermekshi, dep jazady «Ekspress-K» gazeti.
Qalıla Kenesary han jóninde fılm túsiretin alǵashqy rejısser emes. Ol týraly lentany Jańabek Jetirýov pen Marat Qońyrov ta túsirgen, degenmen Omarovtar bul jaıtqa tereńirek úńilmek.
«Qazaq halqynyń ókilderi arasynda Kenesary jónindegi pikirler árqalaı, bireýler ony bostandyq úshin kúresken uly han dep sanaıdy, ekinshileri basqasha ustanymda»., - deıdi rejısser.
Omarovtyń aıtýynsha, jańa kartınada qazaqstandyq, reseılik jáne qyrǵyz zertteýshileriniń kózqarasy usynylady. Materıaldardy izdestirý úshn túsirý toby Kenesarynyń ordasy ornalasqan jerde boldy, sondaı-aq orynborlyq, máskeýlik jáne astanalyq muraǵattardy aqtardy. Endi kınematografıster qazaq hany jóninde dıssertatsııa qorǵaǵan Barnaýl ǵalymymen áńgimelespek.
Sonymen qatar Qalıla Omarov Máskeý memlekettik teatr jáne óner ınstıtýtynyń túlegi, belgili qazaqstandyq ónertanýshy Áshirbek Syǵaı týraly fılmdi qolǵa aldy. Á.Syǵaıdyń teatr álemine yqpalyn Edvard Razınskıımen salystyrýǵa bolady. Ol elimizde ǵana emes, shetelderde de jaqsy tanymal. Osy adamnyń biregeı taǵdyry arqyly rejısser qazaq teatrynyń damýy tarıhyn kórsetpek.
«Bul adam jaıly málimetterdi men on jyldaı jınastyrdym, - deıdi Qalıla Omarov - Ókinishke qaraı barlyq materıaldardy bir fılmge syıǵyzý múmkin emes, degenmen olar eskerýsiz qalmaıdy. Men Áshirbek Syǵaı týraly kitap jazbaqpyn».
Rejısser fılmdi taıaý ýaqytta aıaqtap shyqpaq.
