Qazaqstandyq rejısser E.Baıǵazınniń «Úılesim sabaqtary» fılminiń DVD nusqasy shyqty
ASTANA. QazAqparat - Qazaqstannyń eń júldeli fılmderiniń biri - Emır Baıǵazınniń "Úılesim sabaqtary" ("Ýrokı garmonıı") dramasynyń DVD nusqasy shyqty. Fılmniń lıtsenzııalyq dıskisi "Meloman" dúkenderinde satylyp jatyr, dep habarlaıdy kinostan.kz.
500 danamen shyqqan DVD nusqa Máskeýde basylǵan eken. Ázirge satylymdaǵy dıskiler sany shekteýli.
"Úılesim sabaqtary" fılminde 13 jasar oqýshynyń ómiri sýrettelgen. Medıtsınalyq tekserý kezinde qazaq aýylynda ájesimen birge turatyn 13 jasar Aslandy synyptastarynyń aldynda kemsitedi. Bul oqıǵa onyń ishte búgýli jatqan minez-qulyqtarynyń órshýine alyp keledi. Ózine degen senimsizdiktiń saldarynan tazalyq pen kemel bolýǵa umtylady, tóńiregindeginiń barlyǵyn baqylaýda ustaýǵa tyrysady. Onyń bul kompýlsıvtiligi aqyrynda kúrdeli jaǵdaılarǵa alyp keledi.
