Qazaqstandyq rejısser Aıtmatovtyń sońǵy romany jelisimen spektakl qoımaq
BІShKEK. QazAqparat - Sharshen Termechıkov atyndaǵy Shý oblystyq teatrynda Shyńǵys Aıtmatovtyń sońǵy týyndysy «Taýlar qulaǵanda» romanynyń jelisimen jańa spektakl qoıýǵa qyzý daıyndyq júrip jatyr, dep habarlaıdy «QazAqparat» HAA «Kabar» agenttigine silteme jasap.
Qoıylymdy Qazaqstannyń belgili teatr rejısseri Bekbolat Parmanov kórermenge usynbaq, sahnalaýshy avtor - qyrǵyz jazýshysy Ábıbilla Pazylov.
Teatr dırektory Orazbek Aıdarovtyń aıtýynsha, spektakldiń premerasy 2018 jyldyń qyrkúıeginde, uly klassıktiń 90 jyldyǵyna arnalǵan mereıtoı saltanattarynyń qarsańynda bolady.
