Qazaqstandyq rejısser amerıkalyq ártistiń ánine beınebaıan túsirdi
ALMATY. QazAqparat - Qazaqstandyq jas rejısser Aısultan Seıtov Offset laqap atymen belgili amerıkalyq hıp-hop oryndaýshy Kıarı Kendrell Sefastiń ánine beınebaıan túsirdi, dep habarlaıdy QazAqparat tilshisi.
Red room beınebaıany reperdiń YouTube resýrsyndaǵy Migos ATL kanalynda jarııalandy.
Jańa týyndyny bir táýlikte 160 myń adam tamashalaǵan.
«5 aıdan bergi jumystyń nátıjesi... Lázzat alyńyzdar», - dedi Aısultan Seıtov Instagram paraqshasynda.
Aıta ketý kerek, Aısultan Seıtovtyń jumystary sheteldik ánshilerdiń qyzyǵýshylyǵyn týǵyzǵan. Buǵan deıin jas rejısser 21 Savage tobynyń «A Lot» ánine beınebaıan túsirgen.
Vıdeo oryndaýshynyń kanalynda 1 aqpanda jarııalandy.
Sonymen qatar Aısultan Jah Khalib, Noize MC, Ivan Dornmen jumys jasaǵan.
