Qazaqstandyq rejısser Aqan Sataevtyń kezekti fılmi túsirilýde
ASTANA. QazAqparat - Jyl sońynda qazaqstandyq rejısser Aqan Sataev kórermenderine jańa týyndysyn tartý etpek, dep habarlady kinostan.kz .
Onyń kezekti fılmi «Aýdandar» dep atalady. Kartına jelisi Sataevtyń aldyńǵy fılmderinen aýytqı qoımaǵan: sekseninshi jyldardyń sońy, Almaty, jas bozbala jáne qylmystyq álem. «Degenmen, bul fılmniń de ózine tán erekshelikteri, jastarǵa tálim berer túıini bar», - deıdi rejısser.
Fılmdi túsirýde rejısser jańa talanttar tabýdy, jańa esimder shyǵarýdy maqsat etken. Onda Ásel Saǵatova, Jandos Aıbasov, Janna Qýanysheva jáne Gúlnar Dosmatova syndy óner maıtalmandarymen qatar, Shárip Serik, Sanurjan Súleımenov, Nurjigit Qaldybekov sekildi jańa esimder boı kórsetpek.
Túsirilim toby 17 maýsymda bastalǵan jumystaryn shilde aıynyń sońynda aıaqtaýdy josparlap otyr. Kartınany «AstanaFilmFund» kompanııasy «SataiFilm» jáne «KCG» stýdııalarymen birlesip túsirýde.
