Qazaqstandyq rejısser A.Bektibaevtyń «Teńiz qasqyry» atty qysqametrajdy týyndysy Tashkenttegi ekinshi halyqaralyq «Altyn qabylan» kınoforýmynda dıplommen marapattaldy
ASTANA. 7 qazan. QazAqparat - Tashkenttegi «Túrkistan» saraıynda taıaýda ekinshi halyqaralyq «Altyn qabylan» kınoforýmynyń jabylý saltanatty ótti.
Atymdaǵy jyly Eýropa, Azııa, Afrıka, Soltústik jáne Ońtústik Afrıka elderiniń 45-ten astam kınematografısteri baıqaýǵa qatysýǵa ótinish bildirgen bolatyn.
Júldeler «Eń úzdik anımatsııalyq fılm», «Eń úzdik qysqametrajdy fılm», «Eń úzdik erkek róli», «Eń úzdik áıel róli», «Eń úzdik rejısser», «Eń úzdik tolyqmetrajdy fılm» ataýlary úshin berildi. Qazylar alqasyn brıtandyq rejısser Nık Paýell basqardy.
Konkýrs qorytyndysy boıynsha qazaqstandyq rejısser A.Bektibaevtyń «Teńiz qasqyry» atty qysqametrajdy týyndysy dıplommen marapattaldy. Al «Altyn qabylan» músinshesine «Bes qysqasha tarıh» dep atalatyn ırandyq kınematografıstiń týyndysy ıe boldy.
Budan bólek, «Eń úzdik anımatsııalyq fılm» atalymynda horvattyq rejısser Veljko Popovıchtiń «Dove sei, amor mio» fılmi úzdik dep tanylsa, úzdik qysqametrajdy fılm atalymynda polshalyq Felıks Falkanyń «Ioanna» týyndysy jeńimpaz boldy. Al «Eń úzdik áıel róli» Ýrsýla Grabovskaıaǵa, «Eń úzdik erkek róli» «Ave» fılminde basty róldi somdaǵan Avanes Tarasıanǵa buıyrdy. Shveıtsarlyq Rolando Kollanyń «Jazǵy oıyndar» kınosy «Eń úzdik rejısser» atalymynyń jeńimpazy atandy.
