Qazaqstandyq Reseıge iri kólemde oq alyp ótpek boldy
ASTANA. QazAqparat - Qazaqstan shekarashylary ańshylyq oq-dáriniń iri partııasyn ruqsat qujattarynsyz alyp ótý áreketiniń jolyn kesti, dep habarlady QR UQK ShK baspasóz qyzmeti.
Qostanaı shekara jasaǵy «Qaıraq avto» ótkizý beketiniń qyzmetkerleri ruqsat qujattarynsyz ańshylyq oq-dáriniń iri partııasyn, naqtyraq aıtqanda 90 dana kóleminde alyp ótpek bolǵan 29 jastaǵy Qazaqstan azamatyn ustady. Ustalǵan azamat Qazaqstannan Reseıge «Toıota» kóligi arqyly ótpek bolǵan.
Oq-dáriler kóliktiń artqy oryndyǵyndaǵy qol júgin tekserý barysynda tabyldy.
Fakti jóninde Qarabalyq aýdandyq ІІB ókilderine habarlandy.
