Qazaqstandyq Reseıde kóligimen janyp kete jazdady
ASTANA. QazAqparat - Omby polıtseıleri qazaqstandyq aýyr júk kóliginiń júrgizýshisin apatty jaǵdaıdan qutqaryp qaldy, dep habarlaıdy superomsk.ru.
«Jol patrýldik qyzmeti aýyr júk kóligindegi órtti sóndirýge kómektesken. Tótenshe oqıǵa Omby-Odessa tasjolynda bolǵan. Memlekettik jol qozǵalysy qaýipsizdigi ınspektsııasynyń (MJQQI) patrýldik ekıpajy tasjoldyń 34 shaqyrymynda qazaqstandyq nómiri bar KamAZ júk kóligin kórip, kapotynan órt shyqqanyn baıqap qalady», - dep jazady basylym.
Polıtseıler avtomobıldi toqtatady. Júrgizýshi aqaýdy baıqamaı qalǵan.
MJQQI qyzmetkerleri ózderiniń órt sóndirgish quraldarymen sóndire bastaıdy. Polıtsııa aǵa leıtenanty Artem Nor men Roman Geınts isten shyqqan KamAZ-dy býksırleý arqyly tehnıkalyq qyzmet kórsetý stantsııasyna jetkizýge kómektesken. 
