Qazaqstandyq Regına Vandysheva Qytaıdaǵy «Álem arýy-2015» halyqaralyq baıqaýyna attandy (FOTO)
ASTANA. QazAqparat - 22 jastaǵy «Qazaqstan arýy-2014» Regına Vandysheva Qytaıǵa (Sanıa) sapar shegip ketti, ol 65-shi «Álem arýy-2015» halyqaralyq sulýlyq baıqaýynda respýblıkamyzdyń namysyn qorǵamaq.
Álemniń túkpir-túkpirinen kelgen tıtýldary bar arýlar bir aı boıy fınalǵa daıyndalady. Osy ýaqyt aralyǵynda olar repetıtsııa, qaıyrymdylyq jobalar, fotosessııalar, eń úzdik ulttyq kıim baıqaýy, daryndylar dýmany jáne defılege qatysady. Regına «Qazaqstan arýy» baıqaýynan keıin birden daıyndyqty qolǵa alǵan bolatyn. Ol INTERPRESS mektebinde qazaq jáne aǵylshyn tilderinen belsendi túrde bilim aldy, boıaný/shash sándeý sheberligi boıynsha kásibı kýrstan ótti, sondaı-aq sportpen belsene aınalysýyn toqtatpady. Regına jeńil atletıkadan sport sheberiniń kandıdaty bolyp tabylady. Sportqa beıim minez-qulqynyń arqasynda kez kelgen kúızeliske tótep berip, baıqaýda ózin-ózi ustaı alatynyna ol senimdi. «Sanaýly kúnder qaldy, tolqyp júrmin. Túrli memleketten 100 qatysýshy jınalady, bárimiz jaqynda kezdesemiz. Eń bastysy, baryńdy salyp óner kórsetý, elimizdi laıyqty túrde tanytý. Múmkin emes eshteńe joq, ózime senemin», - dep oıymen bólisti Regına. Qazaqstannyń betke ustar arýy daryndylar dýmanynda modern elementteri bar saltanatty romantıkalyq bı bılep beredi, dep habarlaıdy misskazakhstan.kz.
