Qazaqstandyq raftıngshiler Avstralııa jáne Azııa chempıonatynda komandalyq esepte 3-shi orny aldy
ALMATY. Sáýirdiń 30-y. QazAqparat /Erlik Erjanuly/ - Keshe ıAva aralynda márege jetken Avstralııa jáne Azııa chempıonatynda qazaqstandyq raftıngshiler /sý slalomshylary/ jarys qojaıyndaryn ǵana alǵa jiberip komandalyq esepte 3-shi oryndy jeńip aldy,
dep habarlaıdy QazAqparat.
Sáýirdiń 23-i kúni jalaýyn kótergen bul dúbirli doda 4 jarys túri boıynsha ótti. Qazaqstan quramasy «SPRINT», «HEAD TO HEAD» jáne «SLALOM» tártibimen ótken 3 jarysta da úshinshi oryn aldy. «DOWN RIVER RACE» synyna qatyspaǵanyna qaramastan, chempıonattyń jalpy qorytyndysynda 10 komandanyń ishinen úzdik úshtikke endi. Onda 1-2 oryndy erler arasynda barlyq jarys túrinde ındonezııalyqtar jeńimpaz atandy. Olar bıyl birge ótkizip otyrǵan Avstralııa jáne Azııa chempıonaty jarysyna 2 komanda qosqan bolatyn. Raftıng sporty boıynsha bıyl alǵash ret el tarıhynda osyndaı joǵary dárejege qol jetkizgen ulttyq qurama ushaqpen Ábý-Dabı áýe reısi boıynsha erteń Almaty áýejaıyna taban tireıtin bolady.
