Qazaqstandyq prokýrorlar Shveıtsarııadan 390 mln teńgeden astam qarjyny qaıtardy

NUR-SULTAN. QazAqparat - 2020 jylǵy 14 qyrkúıekte Shveıtsarııanyń Federaldyq bıligi «Qorǵas isi» boıynsha uıymdasqan qylmystyq qoǵamdastyq músheleri jymqyryp, shetelge shyǵarǵan 390 mln. teńgeden astam qarajatty Qazaqstanǵa qaıtardy.

Bul týraly Bas prokýratýranyń resmı saıtynan málim boldy, dep habarlaıdy QazAqparat.

Atalǵan qarajat 2012 jyldan beri halyqaralyq izdeýde júrgen qylmystyq uıymdasqan toptyń belsendi músheleriniń biri Maǵzum Ábdiralıevke tıesili Shveıtsarııa bankindegi sheteldik kompanııanyń shotynda bolǵan.

Shveıtsarııadan Ábdiralıevtiń qylmystyq aktıvterin qaıtarý boıynsha jumys 2018 jyldan beri júrgizilip keledi.

Buǵan deıin 2019 jyly osy is boıynsha memleket kirisine Shveıtsarııadan 140 mln. teńge qaıtarylǵan bolatyn.

«Osylaısha, osy is boıynsha Shveıtsarııadan memlekettik bıýdjetke shetelden aktıvterdi qaıtarý boıynsha jumys sheńberinde túsken qarajattyń jalpy somasy shamamen 530 mln. teńgeni (1,3 mln AQSh dollarynan astam) quraıdy»,-delingen habarlamada.