Qazaqstandyq polıtseıler reseılik JOO-larda bilim alady
ASTANA. QazAqparat - Aǵymdaǵy jyly 20 qazaqstandyq polıtseı Reseı ІІM joǵary oqý oryndarynyń baǵdarlamasy boıynsha bilim alady, dep habarlaıdy QazAqparat QR ІІM baspasóz qyzmetine silteme jasap.
Ekijaqty yntymaqtastyq sheńberinde Ujymdyq qaýipsizdik týraly shart uıymyna múshe memleketterdiń quqyqqorǵaý, órtke qarsy, avarııalyq-qutqarý organdary men arnaıy qyzmetteri úshin kadrlar daıarlaý týraly kelisimge sáıkes jyl saıyn Reseı Federatsııasy ІІM JOO-larynda Qazaqstan Respýblıkasynyń ІІM úshin oqýǵa kvota bólinedi.
Qazaqstan Respýblıkasy ІІM JOO qabyldaý komıssııalarymen oqýǵa túsý emtıhandarynan ótken jáne irikteý barysynda joǵary kórsetkishterge qol jetkizgen 20 úmitker iriktelip alyndy.
Aǵymdaǵy jyly Reseı ІІM JOO-larynda joǵary bilim berý baǵdarlamasy boıynsha Qazaqstan Respýblıkasy ІІM-niń 20 qyzmetkerin oqýǵa
qabyldaý josparlanǵan. Olar atap aıtqanda, Reseı ІІM Krasnodar ýnıversıtetinde; Reseı ІІM Volgograd akademııasynda; Reseı ІІM
Nıjnıı Novgorod akademııasynda; Reseı ІІM Voronej ınstıtýtynda; Reseı ІІM Sibir zań ınstıtýtynda; Reseı ІІM V.ıA.Kıkotıa atyndaǵy
Máskeý ýnıversıtetinde; Reseı ІІM Sankt-Peterbýrg ýnıversıtetinde oqıtyn bolady.
Kadr jumysy departamenti bastyǵynyń 2018 jylǵy 22 tamyzdaǵy buıryǵymen Reseı ІІM JOO-laryna oqýǵa joldanatyn qyzmetkerlerge kishi
basshy quramnyń «qatardaǵy polıtseı» arnaýly ataǵy berildi.
Mınıstrliktiń basshylyǵy elimizde quqyq tártibin qamtamasyz ete alatyn jáne qylmystylyqpen tıimdi kúres júrgize alatyn joǵary bilikti
mamandardyń daıarlanýyna ereshe nazar aýdarady.
Reseı ІІM oqý oryndaryn bitirgen bizdiń túlekter Qazaqstannyń ІІO qyzmetkerleri qatarynda laıyqty orynǵa ıe, polıtseılik qyzmettiń jaýapty
jáne kúrdeli ýchaskelerinde qyzmet atqarýda.
Reseıge jiberiletin kýrsanttar Qazaqstan Respýblıkasyn laıyqty kórsete bilerine senim zor. Osyǵan baılanysty bizdiń ókilderden
tártip pen zańdylyqty qatań saqtaý, oqýǵa degen jaýapkershilik talap etiledi.
