Qazaqstandyq polıtseıler otbasylarymen saıysqa tústi
KÓKShETAÝ. QazAqparat - «Erýdıt otbasy» respýblıkalyq baıqaýynda aqmolalyq polıtseıdiń otbasy jeńimpaz atandy, dep habarlaıdy QazAqparat tilshisi.
Oblystyq Polıtsııa departamenti baspasóz qyzmetiniń málimetinshe, atalmysh baıqaý 10 qyrkúıekte onlaın rejımde bastaý alǵan. Oǵan Qazaqstannyń barlyq óńirinen polıtseılerdiń otbasylary qatysty.
Aqmola oblysynan polıtsııa kapıtany Turlybek Ysqaqovtyń otbasy baǵyn synady. Onyń jan joldasy Aqqý ekeýine otasqanyna 14 jyldan asqan. Búgingi kúni bul jup úsh balany tárbıelep otyr.
«Baıqaý erejesi boıynsha alǵashqy úsh qatysýshy qoıylǵan suraqtarǵa jaýap berip, vıktorına jeńimpazy atanýy tıis. Jalpy, «Dıadıa-Stepa mılıtsıoner» óleńiniń avtory kim?», «Іshki ister organdarynyń alǵashqy halyq komıssary kim?» sııaqty barlyǵy 10 suraq qoıyldy. Onyń ishinde aqmolalyq Ysqaqovtar otbasyna suraqtarǵa durys jaýap berý úshin 6 mınýt ýaqyt qajet boldy», - deıdi vedomstvodan.
Baıqaý qorytyndysy boıynsha aqmolalyq januıa jeńimpaz atansa, ekinshi oryn QR ІІM Kóliktegi polıtsııa departamenti qyzmetkeri, polıtsııa podpolkovnıgi K.Omarovtyń, al úshinshi oryn Batys Qazaqstan oblysy Polıtsııa departamentiniń qyzmetkeri, polıtsııa kapıtany D.Temirǵalıevtiń otbasyna buıyrdy.
