Qazaqstandyq polıtseıler qaza bolǵan atyraýlyq áriptesiniń otbasyna 29 mln teńge jınady
ATYRAÝ. QazAqparat - Qazaqstan polıtseıleri Atyraýda erlikpen qaza bolǵan áriptesiniń otbasyna kómek kórsetý úshin 29 mln teńge jınady, dep habarlaıdy QazAqparat tilshisi.
«Atyraý oblystyq Polıtsııa departamentiniń, ІІM ortalyq apparatynyń, óńirlik Polıtsııa departamentteriniń, qylmystyq-atqarý júıesi organdary men qutqarý qyzmetteriniń qyzmetkerleri jáne Ulttyq gvardııanyń áskerı qyzmetshileri Shalqar Aqymǵalıevtiń otbasyna qoldaý kórsetti jáne qoldaýdy jalǵastyra beretin bolady. 2 sáýir kúni 25 jasqa tolýy tıis bolǵan polıtseı Jaıyq ózenine batyp bara jatqan áıeldi qutqaramyn dep kóz jumdy. Osy ýaqytta arnaıy bank shotyna polıtsııa qyzmetkerleri erikti túrde jınaǵan 29 mln teńge tústi», - dedi oblystyq Polıtsııa departamenti baspasóz qyzmetiniń basshysy Nazymgúl Qaısaǵalıeva.
Buǵan deıin habarlanǵandaı, polıtseıler otbasynyń jalǵyz asyraýshysy bolǵan áriptesiniń úı-ishine Atyraýdan úsh nemese tórt bólmeli páter alyp berýdi josparlaýda.
Esterińizge sala ketsek, bıylǵy 21 naýryz kúni Atyraý qalasynda patrýldik polıtsııa serjanty Shalqar Aqymǵalıev kópirden Jaıyq ózenine sekirgen áıeldi qutqarmaq bolyp ózi ajal qushty.
QR Іshki ister mınıstri Erlan Turǵymbaev polıtseıdiń januıasyn qaraýsyz qaldyrmaıtynyn málim etti.
Erlikpen qaza tapqan Shalqar Aqymǵalıev memlekettik nagradaǵa usynyldy.
Avtory A.Sokolov
