Qazaqstandyq polıtseıler «Qarý-2010» jedel alyn alý is-sharasy barysynda myńǵa jýyq zańsyz qarýdy tárkiledi
ASTANA. Sáýirdiń 17-si. QazAqparat - Qazaqstandyq polıtseıler «Qarý-2010» jedel aldyn alý is-sharasy barysynda myńǵa jýyq zańsyz qaýdy tárkiledi,
dep habarlady QR ІІM Ákimshilik polıtsııasy komıtetinen.
Respýblıka aýqymynda júrgizilgen shara barysynda 139 myńnan astam oqpen atylatyn qarýdyń ıesi, sondaı-aq ańshylyq-balyqshylyq sharýashylyqtary aımaǵyndaǵy 1982 ańshy tekerýden ótken. Nátıjesinde qarý aınalymy salasyndaǵy 5700-den astam ákimshilik quqyqbuzýshylyq, jáne 229 ańshylyq erejesiniń buzylǵandyǵy anyqtalyp, 2021 adam jaýapkershilikke tartylsa, 679 materıal sotqa jiberilgen. Zań buzýshylyqqa baılanysty tirkelgen azamattyq qarýdyń 5 196 birligi tárkilengen.
Sondaı-aq aktsııa barysynda zańsyz saqtalǵan 913 qarý, 1821 oq, 6 jarylǵysh qurylǵy jáne 2 keliden astam jarylǵysh zattar alynǵan.
Máselen, Astana qalasynda 4 azamat tutqyndaldy, olardyń kólikterin tintý barysynda ishki ister organdarynda tirkelmegen 2 travmatıkalyq pıstolet, 2 16-shi kalıbrli sholaq myltyq, qoldan jasalǵan kastet, jáne 2 beısbol taıaǵy tabylǵan. Al Aqtóbe oblysyna qarasty Baıtursaı aýyly turǵynynyń sharýashylyq qora-jaıynan 5,6 mm kalıbrli 400 oq alynǵan. Almaty qalasyndaǵy páterlerdiń birinen «RGD-5» granatasy men 2 tútindetkish tabaqsha tárkilengen.
Sáýirdiń 12-si men 16-sy aralyǵynda ótkizilgen «Qarý-2010» respýblıkalyq is-sharanyń negizgi maqsaty - otty qarýdy, jarylǵysh zattardy jáne qurylǵylardy paıdalaný arqyly jasalatyn qylmystardyń aldyn alý jáne ashý.
