Qazaqstandyq polıtseıler erlikpen qaza tapqan áriptesiniń otbasyna kómektesti
QOSTANAI. QazAqparat – Qazaqstannyń patrýl polıtsııa qyzmetkerleri erlikpen qaza tapqan polıtseı Darhan Bazarbaevtyń otbasyna kóńil aıtyp, materıaldyq kómek kórsetti, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Eldegi barlyq patrýl polıtsııasy atynan SQO jergilikti polıtsııa qyzmeti basqarmasy bastyǵy Erlan Mádıev Darhannyń týǵan jerine keldi.
«Áriptesimizdiń qazasy - búkil polıtsııa qyzmetine ortaq qaıǵy dep bilińizder. Orny tolmas jaǵdaıǵa qaıǵyryp kóńil aıtamyz. Qazaqstandaǵy ár oblystyń patrýldik polıtsııa qyzmetkerleri atynan sizderge kelip otyrmyz. Darhannyń erligi - jas polıtseıler úshin úlgi. Onyń qyzmetke degen adaldyǵy umytylmaıdy», - dep atap ótti Erlan Mádıev.
Darhan Bazarbaevtyń otbasyna Qostanaı oblysy polıtsııa departamenti bastyǵynyń orynbasary Ardaq Yntyqbaev ta baryp, kóńil aıtty.
«Darhan Bazarbaev ult batyryna, maqtanyshyna aınaldy. Onyń qyzmettegi erligin áriptesteri umytpaq emes. Artynda qalǵan uly da ákesin maqtan tutatynyna kámil senimdimin. Biz onyń otbasyna árdaıym kómektesip turýǵa ýáde beremiz. Jaqyn kúnderi ІІB barlyq qyzmetkeri D. Bazarbaevtardyń esepshotyna bir kúndik jalaqysyn aýdarady», - dedi Ardaq Yntyqbaev.
Eske salsaq, qostanaılyq polıtseı Darhan Bazarbaev qyzmetin atqarý kezinde mert boldy.
Keıin QR Prezıdenti Qasym-Jomart Toqaevtyń Jarlyǵymen Darhan Bazarbaev ІІІ dárejeli «Aıbyn» ordenimen nagradtaldy.
