Qazaqstandyq polıtseıler ata-analar men oqýshylarǵa úndeý joldady

ASTANA. QazAqparat - Jańa oqý jyly qarsańynda QR Іshki ister mınıstrliginiń Ákimshilik polıtsııa komıteti ustazdarǵa, oqýshylar men olardyń ata-analaryna úndeý joldady,  dep habarlaıdy QazAqparat komıtettiń baspasóz qyzmetine silteme jasap.

Ákimshilik polıtsııa qyzmetkerleri jol jáne kommýnaldyq qyzmettermen birlesip, jaıaý júrginshi ótpeleriniń qajetti jol belgilerimen, jol tańbasymen, jaıaý júrginshi qorshaýlarymen jáne basqa da jol júrisin retteıtin tehnıkalyq quraldarmen jabdyqtalýyn tekserip jatyr. Ásirese, jalpy bilim beretin mekemelerge jaqyn aýmaqtar erekshe baqylaýda. Tekserý nátıjesi boıynsha oryn alǵan kemshilikterdi joıý úshin ýákiletti uıymdarǵa nusqamalar joldanǵan. 

«Sonymen birge, Ákimshilik polıtsııa komıteti pedagogtarǵa, oqýshylar men olardyń ata-analaryna eskertedi. Jol júrisin uıymdastyrý boıynsha eskertýlerińiz, usynystaryńyz, balalar jol qaýipsizdigin qamtamasyz etýge qatysty basqa da mańyzdy máseleler bolsa, vedomstvonyń saıty arqyly tikeleı aýmaqtyq ishki ister organdaryna nemese Feısbýktegi paraqsha arqyly ІІM ÁPK-ge joldaı alasyzdar» delingen habarlamada.

Joldanǵan usynys-tilek, máseleler qaralyp, tıisti sharalar qabyldanady.