Qazaqstandyq polıtseı qyz álem chempıonatynda jeńiske jetti

ASTANA. QazAqparat – Astana qalasynda eresekter arasynda belbeý kúresten álem chempıonaty ótti, dep habarlaıdy QazAqparat Іshki ister mınıstrligine silteme jasap.

Saıysqa 10 memleketten 350-den astam sportshy qatysty. Álemdik dodada Qazaqstannyń namysyn qyzylordalyq polıtseı qyz qorǵady. Polıtsııa departamentiniń Jyldam qımyldaıtyn arnaıy jasaǵy saptyq bólinisiniń ınspektory Araılym Orazbaı 76 keli salmaq dárejesinde baq synady.

Ol 5 elden kelgen sportshylarmen kúresti. Fınaldyq kezdesýde ózbekstandyq qarsylasyn asa basymdyqpen jeńip, tabandylyq pen jeńiske degen muqalmas erik-jiger kórsetti.