Qazaqstandyq paýerlıftıngshiler Azııa chempıonynda 3 kúmis medal oljalady
ALMATY. Qazannyń 26-sy. QazAqparat /Erlik Erjanuly/ - Qazaqstandyq sportshylar qazannyń 18-25-i kúnderi múgedekter arasynda paýerlıftıngten Malaızııanyń Kýala-Lýmpýr qalasynda jalaýyn túsirgen Azııa chempıonatynda 3 kúmis medal oljalady,
dep habarlaıdy QazAqparat Shtattyq ulttyq komandalar jáne sport rezervi dırektsııasynyń baspasóz qyzmetine silteme jasap.
Bul baıraqty básekege Qazaqstannan 7 sportshy qatysqan bolatyn. Olardyń arasynan 75 kıláda Lázzat Sálimjanova (Almaty oblysy) men Vladımır Cherepanov (Pavlodar oblysy) jáne 60 kıláda Aıbek Ábjan (Qyzylorda oblysy) Azııa chempıonatynyń kúmis júldegerleri atandy. L.Sálimjanova Beıjińde jazǵy Paraolımpıada oıyndarynyń qatysýshysy bolsa, V. Cherepanov 2007 jylǵy Azııa chempıony. Al A. Ábjanyń bul eń alǵashqy Azııa chempıonaty bolyp otyr. El quramasy Almaty áýejaıyna erteń Abý-Dabı reısimen oralady dep josparlanýda.
