Qazaqstandyq parlamentshiler NATO PA sessııasyna qatysty
ASTANA. QazAqparat - Májilis Tóraǵasynyń orynbasary Abaı Tasbolatov bastaǵan qazaqstandyq parlamenttik delegatsııa Norvegııanyń Stavanger qalasynda ótken NATO Parlamenttik Assambleıasynyń 61-sessııasyna qatysty. Bul týraly Májilistiń baspasóz qyzmetinen habarlandy.
NATO-ǵa múshe 28 memleketterden kelgen úsh júzden astam parlamentshiler, Uıymnyń áriptes-memleketterinen kelgen delegattar men baqylaýshylar eki kúndik basqosýdy álemniń kún tártibindegi ózekti máselelerdi talqyǵa saldy. Atap aıtqanda, sessııa barysynda Taıaý Shyǵys pen Soltústik Afrıkadaǵy daǵdarys, Reseımen qarym-qatynas, bosqyndar jaıy syndy basqa da halyqaralyq qaýipsizdik tóńiregindegi ózekti máseleler sóz boldy.
«Sonymen qatar, Parlamenttik Assambleıa komıtetteriniń otyrystary ótkizilip, onda saıası yntymaqtastyq, qorǵanys jáne qaýipsizdik, ǵylym men tehnologııa, azamattyq jáne ekonomıkalyq qaýipsizdik máseleleri áńgime ózegine aınaldy», - delingen baspasóz baıanynda.
