Qazaqstandyq parasportshylar Dúnıejúzilik oıyndarda 54 medal jeńip aldy
ASTANA. QazAqparat - Vıllı-Real-de-Santo-Antonıo (Portýgalııa) qalasynda IWAS-2022 Dúnıejúzilik oıyndar aıaqtaldy. Jarysqa 34 elden 500 sportshy qatysty. Bul týraly QazAqparat Dene múmkindigi shekteýli tulǵalarǵa arnalǵan sporttyq daıarlaý ortalyǵyna silteme jasap habarlaıdy.
Qazaqstan atynan sporttyń úsh túrinen: parajeńil atletıka, parajúzý jáne parapaýerlıftıngten 27 sportshy qatysty. Nátıjesinde parasportshylarymyz jarysta 14 altyn, 20 kúmis jáne 20 qola medal jeńip aldy.
IWAS oıyndary – bul múgedekter arbasyna tańylǵan jáne ampýtatsııa jasalǵan jandarǵa arnalǵan halyqaralyq sport. Dúnıejúzilik oıyndar ár eki jyl saıyn ótedi. IWAS uıymyna 73 memleket kiredi.
