Qazaqstandyq parashıýtıster Dýbaı aspanynda
ÁBÝ-DABI. 8 jeltoqsan. QazAqparat - Dúısenbi, 10 jeltoqsan kúni Dýbaı qalasynda (BAÁ) parashıýt sportynan «Mondıal-2012» álem chempıonaty máresine jetedi, oǵan 57 eldiń 800-den astam sportshysy qatysty.
Jarystar qalanyń tanymal týrıstik aýdandarynyń biri - «Dýbaı Marınada» ótti. Ámirlikterdiń kóptegen qonaqtary men jergilikti turǵyndar BAÁ-niń 41 jyldyǵymen tuspa-tus kelgen jarystyń saltanatty ashylýyn tamashalaı aldy. Jarystar barysynda sportshylar «Palma Djýmeıra» jasandy aralynyń ústinen bir shaqyrymnan astam bıiktikte sekirip, «Skaıdraıv» keshenine qondy.
Qazaqstan sportshylary «qarǵý dáldigi», «frıstaıl» jáne komandalyq birinshilik kezeńderinde óner kórsetti. Anaǵurlym jaqsy jetistikterge qazaqstandyq qyzdar qol jetkizdi.
Máselen, Bıbigúl Ramazanova «qarǵý dáldigi» saıysynda on úshinshi oryndy jáne «frıstaılda» jıyrma tórtinshi oryndy ıelendi. Komandalyq birinshilikte qazaqstandyq qyzdar toǵyzynshy orynǵa taban tiredi.
Erler arasyndaǵy jarysta qazaqstandyqtar úshinshi ondyqqa jaıǵasty. Anaǵurlym joǵary nátıjeni dara «frıstaılda» otyz ekinshi oryn ıelengen Vıacheslav Lı kórsetti. Otandasymyz ıÝrıı Sabad otyz altynshy oryndy mise tutty. Al komandalyq birinshilikte qazaqstandyq parashıýtıster jıyrma ekinshi oryndy qanaǵat tutty.
