Qazaqstandyq paralımpıadashylar Phenchhandaǵy oıyndarmen qosh aıtysty
Álemdik sharanyń jabylý saltanaty káris mánerinde uıymdastyryldy. Aldymen, káris ulttyq kıimimen ortaǵa shyqqan jergilikti estrada juldyzdary án shyrqady. Odan keıin alyp ekranda Paralımpıada oıyndarynyń eń este qalarlyq sátteri kórsetildi. Alyp ekrandaǵy kórsetilim aıaqtalǵannan keıin ortaǵa paralımpıada oıyndarynyń ańyzǵa aınalǵan juldyzdary shyǵyp, kórermenniń qoshemetine bólendi.
Bir saǵatqa jýyq ýaqytqa sozylǵan shara tsıfrlyq arnaıy nómirlermen, múmkindigi shekteýdi jandar týraly vıdeorolıktermen, sonymen qatar ómirlik kedergilerdi joıyp qana qoımaı, kásibı sportshy atanǵan erekshe adamdardyń rýhy jaıly fleshmobtarmen kóptiń esinde qaldy.
Jabylý saltanatynyń merekelik bóliginen keıin Hayqaralyq Paralımpıada oıyndary komıtetiniń prezıdenti Endrıý Parsons barlyq sportshylarǵa alǵysyn bildirip, oıyndardyń este qalarlyq tustaryn eske salyp, Paralımpıada oıyndary-2018 saıysyn jabyq dep jarııalady.
Shoýdyń sharyqtaý sheginde Paralımpıada oıyndarynyń oty sóndirilip, mýzykalyq kontsert bastalyp ketti.
Eske sala ketsek, Paralımpıada oıyndary-2018 saıysynda qazaqstandyq Aleksandr Kolıadın altyn medal jeńip alǵan bolatyn. Bul jeńis - qazaqstandyq paralımpıadashylar úshin tuńǵysh bıik jetistik bolyp tirkelip otyr.
Jalpykomandalyq esepte bizdiń qurama 20-shy orynǵa taban tiredi. Qazaqstan sportshylarymen birge Qytaı quramasynyń da bir altyn medali bar.
