Qazaqstandyq paralımpıadashylar halyqaralyq týrnırde 9 altyn medal ıelendi
ASTANA. QazAqparat - Qazaqstandyq paralımpıadashylar Polshada ótken halyqaralyq týrnırde 9 altyn medal ıelendi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Ulttyq paralımpıada komıtetiniń prezıdenti Darhan Kaletaev málim etti.
D.Kaletaevtyń aıtýynsha, 27-29 maýsym kúnderi Polshada paralımpıadashy sportshylar arasynda halyqaralyq týrnır ótti. Bul baıraqty básekege álemniń túpkir-túpkirinen kelgen 22 komandanyń 170 sportshysy qatysty.
«Bizdiń sportshylarymyzdyń 9-y birinshi oryndy ıelendi. Al 11-i kúmis, 10-y qola medal enshiledi. Bul - paralampıdalyq quramanyń, komıtettiń zor jetistigi», - dedi ol.
Onyń atap ótýinshe, bul sońǵy jyldardaǵy Qazaqstan Ulttyq paralımpıada komıtetiniń júrgizip otyrǵan jumystarynyń, memleket tarapynan bólinip otyrǵan zor qamqorlyqtyń nátıjesi deýge bolady.
