Qazaqstandyq paralımpıadashy álem chempıony atandy

ASTANA. QazAqparat - Əlem birinshiliginde qazaqstandyq Natalıa Zvıagıntseva paralımpıadalyq júzý sporty boıynsha altyn medal ıelendi, dep habarlaıdy QazAqparat.

«Bizde búgin jańa álem chempıony - Natalıa Zvıagıntseva Qazaqstannyń atyn álemge tanytty. Arqamen júzý boıynsha 50 metrlik qashyqtyqta Natalıa altyn aldy. Bul Qazaqstan tarıhyndaǵy álem chempıonatynda alǵan tuńǵysh altyn medal. Natalıa Meksıkada Azııa rekordyn jańartty», - dep jazdy Qaırat Boranbaev Instagramdaǵy paraqshasynda.

Bul Qazaqstan tarıhyndaǵy Paralımpıadadan ótken álem chempıonatynda jeńip alǵan tuńǵysh altyn júlde.

Qazaqstannyń qorjynyna taǵy bir medaldi 100 metrlik qashyqtyqta ekinshi oryn alǵan Zýlfııa Gabıdýllına saldy.

Esterińizge sala keteıik, Natalıa Zvıagıntseva 2016 jyly Rıo-de-Janeıroda ótken Paralımpıada oıyndarynda 100 metrge shalqalaı júzýde 7-oryn alǵan bolatyn.