Qazaqstandyq paralımpıadalyqtar Búkilálemdik sport oıyndarynda 26 medal jeńip aldy

Jarystar Golandııanyń Stadskanaal qalasynda qyrkúıektiń 14-i men 22 aralyǵynda bolyp ótti.

Ótken jarystardyń qorytyndysy boıynsha «altyn» alǵandar: Mıhaıl Eremenko (júzý: 50 m., erkin stıl; 50 m, baterflıaı), Ravıl Mansurbaev (dısk laqtyrý, ıadro laqtyrý), Rýslan Ótebalıev (júzý, 100 m., arqamen júzý), Vladımır Erman (júzý, 100 m., erkin stıl), Oksana Mıtıakova (júzý, 50 m., batterflıaı), Zúlfııa Ǵabıdýllına (júzý: erkin stıl, 50 m. jáne 200 m.; 150 m., keshendi júzý; 100 m., erkin stıl, 50 m brass);

«Kúmis» alǵandar Zúlfııa Ǵabıdýllına (50 m., arqamen júzý), Alına Mıhaılova (júzý: 50 m., erkin stıl; 100 m., erkin stıl ), Rýslan Ótebalıev (júzý, 50 m., erkin stıl), Dmıtrıı Lı (júzý, 100 m., erkin stıl), Mıhaıl Eremenko (júzý, 100 m., arqamen júzý), Tyşenko Irına (ıadro laqtyrý).

«Qola» alǵandar Pavel Sıdorchýk (ıadro laqtyrý), Ellına Baıdeldinova (júzý, 50 m., erkin stıl), Vladımır Erman (júzý, 50 m., erkin stıl), Amanat Qalqaev (uzyndyqqa sekirý), Pavel Sıdorchýk (dısk laqtyrý), Alına Mıhaılova (júzý, 100 m., erkin stıl).

Qazaqstanda paralımpıadalyq sport tarıhynda mundaı rekordtyq medal sanyna birinshi ret qol jetkizilip otyr.

Londondaǵy IV Paralımpıadalyq oıyndarǵa qatysýshy Zúlfııa Ǵabıdýllına álemdik reıtıng boıynsha eń myqty júzýshilerdiń segizdigine kiredi jáne munda erkin stıl boıynsha 50 m júzýde tórtinshi orynǵa ıe, 150 m keshendi júzýde - 5-orynda, 100 m erkin stıl boıynsha - 5-orynda, 50 m arqamen júzýde 7-orynda tur.

Jarystarǵa 35 elden barlyǵy 500-ge jýyq sportshy qatysty. Qazaqstannan sporttyń úsh túri boıynsha (1 - sadaq atý, 6 - jeńil atletıka, 9 - júzý) 16 sportshy qatysty.

Qazaqstan komandasy QR Paralımpıadalyq komıtetiniń uıymdastyrýshylyq qoldaýymen qatysýda, demeýshi «Samuryq-Qazyna» UÁQ bolyp tabylady.

IWAS Búkilálemdik oıyndary ár eki jyl saıyn ótkizilip turady. Ótken oıyndar 2009 jyly Bangalor (Úndistan), al 2011 jyly Shardje (OAE) qalalarynda ótkendigin esterińizge salamyz.