Qazaqstandyq «Panda» AQSh-taǵy jekpe-jek aldynda salmaq ólshedi

ASTANA. QazAqparat – «Panda» laqap atymen tanylǵan birinshi aýyr salmaqtaǵy qazaqstandyq boksshy Serik Musadilov (13-0, 11 KO) 22 qazan kúni tańerteń AQSh-tyń Florıda shtatyndaǵy Orlando qalasynda jekpe-jek ótkizedi, dep habarlaıdy QazAqparat Sports.kz resýrsyna silteme jasap.

Otandyq sportshynyń qarsylasy - meksıkalyq Haver Gomes Rýeda (21-17, 15 KO). Kezdesý qarsańynda qarsylastar mindetti salmaq ólsheý rásiminen ótti.

Serik Instagram paraqshasynda kóńil-kúıin bólisip, «Salmaq ólshendi, aıqasqa daıynmyn», - dep jazdy.

Esterińizge sala keteıik, Serik Musadilov rıngke sońǵy ret ótken aıda shyqqan.

Ol 8 qyrkúıekte óz elinde kolýmbııalyq Manýel Bankesti (8-9-2, 5 KO) ekinshi raýndta nokaýtqa túsirgen bolatyn.

Foto: instagram.com/serikmussadilov