Qazaqstandyq pancher Álı Ahmedov 10-shy qarsylasyn nokaýtqa jiberdi

ASTANA. QazAqparat - Qazaqstandyq pancher Álı Ahmedov (13-0, 10 KO) Kosta-Mesadaǵy (Kalıfornııa, AQSh) boks keshinde jekpe-jegin taǵy da nokaýtpen aıaqtady, dep habarlaıdy «SPORTINFORM».

Gennadıı Golovkınmen bir jerde jattyǵyp júrgen 23 jastaǵy boksshynyń qarsylasy Meksıkanyń 27 jastaǵy boksshysy Djovanı Haver Gomes (17-15, 11 KO) bolǵan. Aıqas qazaqstandyq boksshy úshin jeńil ótip, birinshi raýndta merziminen buryn aıaqtalǵan.

Eske sala keteıik, buǵan deıin Ahmedov 32 jastaǵy amerıkandyq boksshy Horhe Eskalanteni (9-1-1, 6 KO) nokaýtqa jibergen edi. Endi Álı Ahmedovtyń rekordy 13 jeńisten (10-ny nokaýtpen) quralǵan. Qazaqstandyq boksshy jartylaı aýyr salmaqta WBC Youth World jáne NABF Junior beldikterine ıe.