Qazaqstandyq palýandar Túrkııada ótken týrnırde júldeger atandy
ORAL. QazAqparat - Qazaqstandyq palýandar Túrkııada erkin kúresten márege jetken halyqaralyq ıAshar Dogý memorıaly týrnırinde júldeger atandy, dep habarlaıdy QazAqparat tilshisi.
BQO-nyń Syrym aýdany Buldyrty aýylynda týyp-ósken, qazirgi kezde Astana qalasynda turatyn Nurlan Bekjanov 74 kg salmaqta qola júldeni jeńip aldy.
Nurlan jarys jeńimpazy, eki dúrkin álem chempıony, olımpıada oıyndarynyń júldegeri, ıtalııalyq, tegi kýbalyq Frank Chamızoǵa ǵana jol berdi. Qola júlde úshin básekede N.Bekjanov Iran palýanynan basym tústi.
Bul salmaqta básekeniń joǵary bolǵany sondaı, olımpıada jáne álem chempıony, amerıkalyq Djordan Barroýz kúmis júldeni qanaǵat tutty.
Taǵy bir qazaqstandyq palýan Bolat Saqaýov D.Barroýzdan utylǵanymen, qola júlde úshin básekesin sátti ótkizip, úshinshi orynǵa kóterildi.
Nurlan Bekjanov budan eki jyl buryn eresekter arasynda erkin kúresten qazaq palýandary arasynda tuńǵysh ret álem chempıonatynyń kúmis júldegeri atanǵan edi. Onyń alǵashqy bapkeri, Qazaqstannyń eńbek sińirgen jattyqtyrýshysy Asqar Sáýkelın bolsa, qazir ony Astanada Asqar Ábdirashev baptap keledi.
Ystanbul qalasynda 46-ynshy márte uıymdastyrylǵan atalmysh jarysta sondaı-aq Qazaqstannan N.Bekjanov pen B.Saqaýovtan basqa taǵy úsh palýan qola júldege ilikti. Dáýlet Nııazbekov 65 kg salmaqta jartylaı fınalda ırandyq sportshyǵa ese jibergenimen, úshinshi oryn úshin básekede ýkraın palýanyn 10:0 esebimen utty. Osy salmaqta Madııar Burhan da úshinshi orynǵa shyqty. Sondaı-aq 79 kelide Baqtııar Іzbasarov qola júldeger atandy.
