Qazaqstandyq palýandar Mınskidegi týrnırde 1 altyn, 3 kúmis medal oljalady
ALMATY. 8 naýryz. QazAqparat /Erlik Erjanuly/ - Mınskide 4-5 naýryz kúnderi erkin kúresten Olımpıada oıyndarynyń 3 dúrkin chempıony Aleksandr Medved júldesi úshin halyqaralyq týrnır ótti.
Onda qazaqstandyq balýandar qurama qorjynyna 1 altyn 3 kúmis medal saldy. Belarýs Respýblıkasynyń astanasyndaǵy bul dúbirli dodada 96 kelige deıingi salmaqta aqtyq synda Magomed Karatovty jeńgen Taımýraz Tıgıev chempıon atandy. Al jarys qojaıyndary Omargadjı Magomedov pen Alekseı Shemarovqa Semen Semenov (84 kg) pen Marıd Mýtalımov (120 kg) jáne reseılik Alıgadjı Gamıdgadjıevke ese jibergen Seıpýtdın Osmanov (74 kg) kúmis júldeger atandy. Jarys qorytyndysynda beıresmı komandalyq esepte Belarýs quramasy 4 altyn, 1 kúmis, 1 qola medalmen birinshi oryn aldy.
