Qazaqstandyq palýandar Grýzııadaǵy týrnırden bes medalmen oraldy
ASTANA. QazAqparat - Grek-rım kúresinen Qazaqstan quramasy Tbılısı (Grýzııa) qalasynda ótken Gıvı Kartozııa men Vahtang Balavadze atyndaǵy Gran-prı týrnırinen bes medal oljalap qaıtty.
Bizdiń qanjyǵamyzda eki altyn, bir kúmis, eki qola medal bar, dep habarlady Sports.kz.
Jarysqa Qazaqstan, Grýzııa, Iran, Túrkııa, AQSh, Armenııa, Norvegııa, Vengrııa sportshylary qatysty. 59 kelige deıingi salmaq sanatyndaǵy Meırambek Aınaǵulov óz qarsylastarynyń barlyǵyn jeńip, týrnır jeńimpazy atandy. Birinshi jarysta ol túrik, odan keıin grýzın palýanyn utty.
Jartylaı fınalda ol túrik palýanymen qaıta kezdesip, ony jeńdi. Aqtyq saıysta norvegııalyq Stıg Andre Bergımen beldesken ol, «altynǵa» qol jetkizdi. 33 jastaǵy norvegııalyq ótken jyly Rıodaǵy Olımpıadada qola júldeger atanǵan bolatyn.
Sondaı-aq 66 kelige deıingi salmaqta Danııar Qalenov chempıon atandy. Fınalda ol AQSh palýanyn jeńdi.
