Qazaqstandyq palýandar Azııa chempıonatynyń alǵashqy kúni 5 medal jeńip aldy
ASTANA. QazAqparat - Neıpıdoda jasóspirimder arasynda erkin, grek-rım jáne áıelder kúresinen Azııa chempıonaty bastaldy. Qazaqstandyq palýandar chempıonattyń alǵashqy kúni 5 medaldi qanjyǵaǵa baılady.
Bul týraly Sport.kz habarlady.
Alǵashqy kúnniń qorytyndysy boıynsha, 55 kelide Dastan Zarlyhanov pen 84 kelide Hýseın Mýtsolgov Azııa chempıony atandy. Tamerlan Shadýkaev (74 kg) kúmis oljalady. Al Rahman Shaharbek (66 kg) pen Tsarkıs Pshenıchnıkov (96 kg) qolany qanaǵat tutty.
