Qazaqstandyq palýandar Azııa chempıonatynyń alǵashqy kúni 1 kúmis, 3 qola aldy
ASTANA. QazAqparat - 11 maýsymda Úndistannyń Nıý-Delı qalasynda kúresten kadetter arasynda Azııa chempıonaty bastaldy, dep habarlanǵan sporttyq jekpe-jek jáne kúsh qoldanylatyn sport túrleri konfederatsııasynyń saıtynda.
Jarystyń alǵashqy kúni Qazaqstan quramasynyń qorjynyna 4 medal tústi. 38 keli salmaqta kúmis júldege Laýra Almaǵanbetova ıe bolsa, qola júldeni erkin kúresshi Qýanysh Qarabek (85 kg) jáne "klassıkter" Nurbaqyt Ázilhan (42 kg) men Marlan Muqashev (50 kg) ıelendi. Jarys 14 maýsymda aıaqtalatyn bolady.
